Urteko prestakuntza ikastaroak
Etengabeko prestakuntzako ikastaroen prezio publikoek, eskola egutegiaren arabera eta urritik ekainera bitartean urteko ikasturte formatuan programatzen direnek, bi ordainketa mota izango dituzte:
- Matrikularen zenbatekoa.
- Hiru kuota.
Aurreko apartatuan aipatutako tarifa edo zenbatekoak honako hauek dira:
| Asteko ordu kopurua | Matrikula | 3 kuota. Bakoitza: | Ikastaroaren prezioa |
| 1:00etik 1:15era | 41,00 € | 41,00 € | 164,00 € |
| 1:30 | 54,00 € | 54,00 € | 216,00 € |
| 2:00 | 67,00 € | 67,00 € | 268,00 € |
| 2:30 | 78,00 € | 78,00 € | 312,00 € |
| 3:00 | 91,00 € | 91,00 € | 364,00 € |
| 4:00 | 110,00 € | 110,00 € | 440,00 € |
| 4:30 | 123,00 € | 123,00 € | 492,00 € |
| 6:00 | 157,00 € | 157,00 € | 628,00 € |
| 8:00 | 165,00 € | 165,00 € | 660,00 € |
| 12:00 | 193,00 € | 193,00 € | 772,00 € |
Ordaintzeko era
Izena eman ondoren, eta ikastaroa egin nahi duen pertsona onartu dela baieztatu ondoren, ordainketak epe eta baldintza hauen arabera egin beharko dira:
- Ikasturte bakoitzean ezarritako epearen barruan ordainduko da matrikularen zenbatekoa.
- Ikastaroaren gainerako zenbatekoa hiru kuotatan ordainduko da, helbideratutako ordainagiri bidez, eta horren kobrantza azaroan, urtarrilean eta martxoan egingo da.
Hobariak
Urteko prestakuntza ikastaroetan bakarrik aplikatuko dira hobariak, baina ez dira metagarriak izango. Kasu bakoitzean, inskribatutako pertsonarentzat onuragarriena dena aplikatuko da. Hauek dira:
Hasierako taldeetan eta gazteen taldeetan
Kategoria orokorrean sailkatutako familia ugarietako ikasleek % 20ko murrizketa izango dute matrikulan eta kuota bakoitzean.
Honako hauek aurkeztu beharko dituzte: indarreko titulu ofiziala, foru aldundiak edo arlo horretan eskumena duen administrazioak emana, eta bertan adierazi beharko da kategoria orokorreko familia ugaria dela.
Kategoria berezian sailkatutako familia ugarietako ikasleek % 50eko murrizketa izango dute matrikulan eta kuota bakoitzean.
Honako hauek aurkeztu beharko dituzte: indarreko titulu ofiziala, foru aldundiak edo arlo horretan eskumena duen administrazioak emana, eta bertan adierazi beharko da kategoria bereziko familia ugaria dela.
Gutxienez bi seme-alaba matrikulatuta dituzten familien kasuan, matrikula eta kuotak % 20 murriztuko dira bigarren ondorengoarengandik aurrera.
Honako hauek aurkeztu beharko dituzte: Erregistro Zibileko jaiotza ziurtagiriak edo Familia Liburua.
Helduen taldeetan
Legezko langabezia egoeran dauden pertsonek % 20ko murrizketa izango dute matrikulan eta kuota bakoitzean.
Honako hauek aurkeztu beharko dituzte: Lanbideren edo beste erakunde eskudun baten "inskripzio aldien ziurtagiria" edo "inskripzio aldien txostena", inskripzioa egin aurreko zazpi egunetan egina.
Diru sarrerak bermatzeko errenta (DSBE) edo biziarteko gutxieneko diru sarrera (BGDS) jasotzen dutenei adierazitako prezio publikoak % 20 murriztuko zaizkie.
Honako hauek aurkeztu beharko dituzte: Lanbideren edo beste erakunde eskudun baten agiria, kobratzeko eskubidea egiaztatzen duena.
Desgaitasuna duten ikasleak
Nolanahi ere, % 33ko desgaitasun maila edo handiagoa egiaztatzen duten ikasleek % 20ko hobaria izango dute matrikulan eta kuota bakoitzean.
Honako hauek aurkeztu beharko dituzte: irizpen tekniko fakultatiboaren kopia edo ezintasun iraunkorraren ebazpenaren kopia.
Artikulu honetan ezarritako hobarien onuradun izateko, interesdunek dagokion izaera izan beharko dute matrikula formalizatzean, eta une horretan aurkeztu beharko dute kasu bakoitzean dagokion dokumentazioa.
Ikastaro monografikoak
Noizean behin programatzen den prestakuntza espezifikoan, monografikoak edo tailerrak, eskatu beharreko tarifak jardueraren kostu eta ordu kopuruaren arabera izango dira:
- Helduentzako monografikoak: 30 eta 60 euro artean.
- Haurrentzako tailerrak: 20 eta 40 euro artean.
