Detalle blog - tae

Hiru irakaskuntza mota ematen dira:

Sorkuntza eszenikoko teknikak (urria- ekaina)

Inprobisazio antzerki eta antzerki fisikoko teknikak aztertzeko ikastaro praktikoa, bat-batekotasuna, entzute eszenikoa eta gorputz adierazpena garatuz.

Arte eszenikoen hastapenak (urria-maiatza)

Ikastaro hau antzerkian esperimentatu eta hasi nahi duten pertsona amateurrentzat da, eszenatokian erabiltzen diren benetako tresnekin harreman perfektua izateko egina.

TAE Araban uste dugu, edozein heziketa artistikotan bezala, lehen-lehenik oinarrizko baliabideak menderatu behar direla, hain zuzen hauek:

• Ahotsa
• Gorputz adierazpena
• Agertokiko presentzia

Arte eszenikoetako espezializazioa (urria- ekaina)

Irakaskuntza progresiboa, antzerki praktikako 2 ikastaroz osatua, horretarako gaitasun berezia erakusten dutenen aktore prestakuntzarako ezagutzak eta trebetasunak garatzera bideratua.

Oso prestakuntza osoa da, antzerkirik inoiz egin ez duten pertsonek publikoari segurtasunez aurre egin ahal izateko eta interpretazio eskarmentu integralak lortzeko beharrezkoak diren tresna tekniko, sortzaile eta emozionalak pixkanaka eskura ditzaten bideratua. Ikastaroak irakastordu zabala, diziplina anitzekoa eta trinkoa du, eta ahotsarekin, gorputzarekin eta sormenarekin lotutako irakasgaietan banatzen da.

Ikaslea, halaber, ohitzen da ikuskizunak sortzeko prozesuekin eta beste sorkuntza arlo batzuekiko erlazioa (argiztapena, eszenografia…) ezagutzen du.

Hauek dira ematen diren oinarrizko ikasgaiak:

• Ahotsa
• Kantua
• Gorputz adierazpena
• Antzerkiaren historia
• Interpretazioa
• Jolas dramatikoa
• Teknika eszenikoaren hastapenak

Programa beste prestakuntza gai batzuekin osatzen da, hala nola makillajea, erritmoa, ikus-entzunezko lengoaiaren teknikak eta beste batzuk, hala badagokio.

2026ko urria - 2027ko ekaina

Aurreko ikasturteko ikasleek nahiz ikasle berriek eman beharko dute izena, eskaera guztiak erregistratzeko.

Plaza formalizatu eta ordaindu dezakezu ordainketa-gutun bat sortuz. Gutun hori inprimatu eta bankura eraman beharko duzu, edo online ordainketa egin kreditu-txartelarekin.

Kontuan hartu beharrekoa

Plaza formalizatu ahal izateko eta, beraz, ordainketa izapidetu ahal izateko, honako hauek hartu behar dituzu kontuan:

• Zenbat ordu dituen onartuta zauden ikastaroak
• Hobariren bat aplikatu ahal duzun

GARRANTZIZKOA

Ordainketa berretsi ondoren, ordainketaren egiaztagiria eta/edo hobaria egiaztatzen duen dokumentazioa eskatu ahal izango zaio, Arabako TAEren bulegoetatik.

Matrikulazioa osatzean, honako hauek onartuko dira:

• Adierazitako ikastaroetara adierazitako ordutegian joateko konpromisoa.
• Indarrean dauden tasak ezarritako epeetan ordaintzea.

Tasa horiek ordaintzeak eskubide hauek emango ditu:

• Hurrengo hiruhilekoan bertaratzea.
• Plaza bat ikasturte osorako, baldin eta ordainketak epearen barruan egiten badira.

Nola eta noiz egin behar diren ordainketak

Ikasturtea hiru kuotatan ordainduko da, banku-txartelaren edo ordainketa-gutunaren bidez. Ordainketa hori hiruhileko bakoitza hasi baino lehen gauzatu behar da, irailean, abenduan eta martzoan.

Ordainketak 5 lanegunetan egin ahal izango dira, eta behar adinako aurrerapenaz jakinaraziko dira, matrikula formalizatzeari dagokion lehenengo kuota izan ezik.

Ordaintzen ez bada, matrikula-eskubideak galdu egingo dira eta itxaron-zerrendan dagoen hurrengo pertsonari eskainiko zaio plaza.

Itxaron-zerrendak

Itxaron-zerrendak urritik otsailera bitartean egongo dira irekita. Eta plaza libreak hutsune bat sortzen denean eskainiko dira.

Edozein kontsulta egiteko, hona jo dezakezu:

• Arabako TAEren egoitza nagusia (Errege Katolikoen kalea 4, Vitoria-Gasteiz).
• Kontsultak:  945 28 45 42 edo 945 28 56 45 9:00 - 14:00 eta 16:30 - 19:00

TAE Arabaren haur ikastaroak haurren hazkunde eta garapen etapa desberdinetara bideratuta daude. Adin tarteen arabera sortzen ditugu taldeak, lehen hezkuntzako bigarren zikloko adinera arte. Irakaskuntzak jolas dramatikoaren bidez ematen dira, adin tarte desberdinetara egokituta, 3-14 urte bitartean.

Gure ustean, haurren onerako ––eta haien familien onerako ere bai–– da hori, beti aurkituko baitute hartara ohikotasun bat eta egonkortasun bat beste haurrekiko harremanetan, are eskolaz kanpoko jardueretan ere.

Talde dinamika bat sortzea eta haien artean konfiantza ezartzea da gure sormen lanaren oinarria. Gure hezitzaileak arte eszenikoetako profesionalak dira eta aplikatzen duten metodologia da "haurren jolas dramatikoa"; izan ere, TAE Arabaren 40 urteetan garatu baitugu. Jolas gidatua, komunikazioa eta emozioak sustatzen ditugu, maitasunetik eta haurrekiko errespetutik abiatuta.

3-5 urte (2026ko urria - 2027ko maiatza)

Helduak

Antzerki Musikala

Gazteak